आफ्नो नामका नक्कली खाता अर्थात ‘फेक अकाउण्ट’बाट सामाजिक सञ्जालमा गलत सूचना प्रवाह हुन थालेपछि नेपाल विद्युत प्राधिकरणका कार्यकारी निर्देशक कुलमान घिसिङले आधिकारिक खातालाई मात्रै विश्वास गर्न आग्रह गर्नुभएको छ ।

आफ्नो आधिकारिक फेसबुक पेजमार्फत घिसिङले भन्नुभएको छ, ‘मेरो फेक अकाउनण्ट खोलि विभिन्न समाचारहरु सम्प्रेषण भएकोले मेरो यो बाहेक कुनै अरु आधिकारिक अकाउण्ट नभएको जानकारी गराउँदछु ।’

घिसिङका फेसबुकमा र ट्विटरमा भएका नक्कली अकाउन्टबाट विभिन्न गलत सूचना फैलिइरहेका छन् । मंगलबार पनि मन्त्रीपरिषद्ले कार्यकारी निर्देशकको पद चार वर्ष थपेको भन्दै नक्कली ट्विटर अकाउन्टबाट समेत प्रचार भएको थियो ।

https://www.facebook.com/permalink.php?story_fbid=1419650061561690&id=100005501296952