नवकान्तिपुर संवाददाता
काठमाडौं, ९ असोज ।
बेलायतको लन्डनमा शुक्रबार प्रहरी कार्यालयमै एक प्रहरी मारिएका छन् । क्रोएडोन प्रहरी कार्यालयमा हिरासतमा लिइएका एक व्यक्तिले गोली चलाउँदा ती प्रहरीको मृत्यु भएको बताइएको छ ।
गोली लाग्दा प्रहरी गम्भीर घाइते भएका थिए । उनलाई त्यहीँनेर सामान्य उपचार गरेर अस्पताल लगिएको थियो । यद्यपी उनको ज्यान जोगिन नसकेको जनाइएको छ ।
यसैबीच हिरासतमा लिइएका एक २३ वर्षका व्यक्तिपनि यस घटनामा गोली लागेर घाइते भएका छन् । उनको अवस्था गम्भीर रहेको र अस्पतालमा उपचार भइरहेको बताइएको छ।
