नवकान्तिपुर संवाददाता
काठमाडौं, १७ कात्तिक ।
नेपाली कांग्रेसका सांसद सूर्यबहादुर केसीको निधनले आज पनि बस्ने भनिएको पदाधिकारी बैठक स्थगित हुने भएको छ । केसी बहालवाला सांसद तथा आमन्त्रित केन्द्रीय सदस्यसमेत हुन्।
केसीको निधनमा पार्टी केन्द्रीय कार्यालय एक दिन बन्द रहने र तीन दिन पार्टी झण्डा झुकाउने जनाइएको छ। केसीको निधनको शोकमा शीर्ष तहका नेताको बैठक मंगलबार नबस्ने सहमहामन्त्री डा प्रकाशशरण महतले जानकारी दिए।
सोमबारको बैठकमा विवादित विषयमा समाधान ननिस्किएपछि मंगलबार १ बजे बस्ने गरि बैठक टुंगिएको थियो।
