अमेरिकाको नयाँ राष्ट्रपति बन्ने निश्चित भएपछि डेमोक्रेटिक पार्टीका उम्मेदवार जो बाइडेनलाई कडा सुरक्षा प्रदान गरिएको छ । हालसम्मको मतगणना हेर्दा गर्दा बाइडेन अमेरिकी राष्ट्रपति डोनाल्ड ट्रम्पभन्दा निकै अगाडि देखिएका छन् ।

राष्ट्रपतिको निर्वाचन जित्ने अवस्थामा पुगेपछि बाइडेनलाई अमेरिकी गुप्तचर सेवाले कडा सुरक्षा प्रदान गर्न विशेष टोली खटाएको वासिङ्टन पोस्टले उल्लेख गरेको छ ।

हाल अमेरिकाको नेभाडा, पेन्सेलभेनिया, एरिजोना र जोर्जिया राज्यमा मतगणना जारी छ। यी राज्यहरुमा पनि बाइडेनको मत ट्रम्पको भन्दा बढी छ ।