‘बाहुबली’ अभिनेता प्रभासको आउँदो चलिचत्र ‘आदिपुरुष’को प्रदर्शन मिति सार्वजनिक भएको छ। विहीबार अभिनेता प्रभासले सामाजिक सञ्जालमार्फत फिल्मको रिलिज डेट सार्वजनिक गरेका हुन्।

प्रभासले यो फिल्म २०२२ अगस्ट ११ मा सार्वजनिक हुने जानकारी दिएका छन्। यो फिल्म पौराणिक ग्रन्थ रामायणमा आधारित रहेको छ। फिल्ममा अहिलेसम्म प्रभासका साथमा सैफ अली खानको पनि अभिनय रहने पक्का भएको छ। यी दुईका अलवा अभिनेत्री र अन्य कलाकारको नाम टुंगिएको छैन्।

फिल्ममा रामको भूमिकामा प्रभास र रावणको भूमिकामा सैफ देखा पर्दैछन्। यसअघि सैफल तानाजीमा निभाएको नकारात्मक भूमिकाको व्यापक चर्चा भएको थियो।

फिल्ममा सीताको भूमिकामा कीर्ति सुरेश, अनुष्का शर्मा र कियारा आडवाणीको नाम चर्चामा रहेको छ। ओम राउतको निर्देशनमा बन्न लागेको फिल्मको निर्माण भूषण कुमारले गर्दैछन्। यो फिल्मको बजेट ३५० देखि ४ सय करोडका बीचमा हुने निर्माण पक्षले जनाएको भारतीय सञ्चारमाध्यमले जनाएका छन्।