नेकपाका कार्यकारी अध्यक्ष पुष्पकमद दाहाल प्रचण्डलाई भेट्न प्रधानमन्त्री केपी ओली खुमलतार पुगेको केही समयभित्रै नेकपा उपाध्यक्ष वामदेव गौतम पनि खुमलटार पुगेका छन् । पार्टीभित्रको विकसित पछिल्लो राजनीतिक घटनाक्रमका विषयमा छलफल गर्न उपाध्यक्ष गौतम पार्टी अध्यक्ष पुष्पकमल दाहाल प्रचण्ड निवास खुमलटार पुगेका हुन् ।

पार्टीभित्रको संकट गहिरिँदै गएपछि नेकपा नेताहरुले छलफललाई तिव्र पारेका छन् । अहिले नेकपाका दुई अध्यक्ष प्रचण्ड र ओलीबीच छलफल जारी छ ।

पार्टीभित्र सङ्कट गहिरिँदै गएपछि प्रधानमन्त्रीसमेत रहेका ओली पार्टीका कार्यकारी अध्यक्ष प्रचण्ड भेट्न उनकै निवास खुमलटार पुगेका हुन् । ओली प्रचण्डबीच वान टु वान वार्ता जारी रहेको बेलामा गौतमको प्रवेशलाई अर्थपूर्ण रुपमा हेरिएको छ ।