मुक्तिनाथ विकास बैंकले डिजिटल माध्यमको प्रोत्साहन तथा ग्राहकहरूको सुविधाको लागि ‘आक्स मुक्ति भाइ’ नामक भर्चुअल (अनलाइन) सहायता सेवा आफ्नो वेबसाइटमार्फत् सञ्चालनमा ल्याएको बैंकले जनाएको छ ।

ग्राहकहरुले यस भर्चुअल सहायता सेवामार्फत् छिटो, छरितो र सहज रूपमा बैंकका प्रोडक्ट र सेवाका साथै बैंकसँग सम्बन्धित जानकारी, सेवाग्राहीका जिज्ञासाहरूको बारेमा जानकारी प्राप्त गर्न सक्नेछन् । यो सेवा इन्टरनेटको पहुँचमा रहेका व्यक्तिले चौबीसै घण्टा लिन सक्नेछन् । आर्टिफिसियल इन्टेलिजेन्समा आधारित यो च्याटवोट सेवा डिजिटल बैंकिङ्गका अत्याधुनिक पद्धतिबाट सञ्चालनमा ल्याइएको छ ।

यस सेवाको लागि बैंकको वेबसाइट ( www.muktinathbank.com.np ) मा गएर दायाँतर्फ ‘आक्स मुक्ति भाइ’ वा बैंकको मासकट ‘मुक्ति भाइ’ क्लिक गरेर छनोट या टाइप गरी सेवा प्राप्त गर्न सकिने छ ।

विकास बैंकले डिजिटल कारोबारलार्ई प्रोत्साहन गर्न भीजा नेटवर्कअन्तर्गतको जुनसुकै बैंकको एटीएमबाट विना अतिरिक्त शुल्क रकम झिक्न सकिने व्यवस्था गरिएको पनि बैंकले जनाएको छ ।