लामो समयदेखि क्यानाडाको ब्राम्टन शहरमा बस्दै आएका मित्र काफ्लेलाई क्यानाडाको सिटी अफ ब्राम्टन स्थानीय सरकारले सिटिजन्स अवार्डबाट सम्मानित गरेको छ । स्थानीय सरकारबाट हरेक वर्ष प्रदान गरिने यस अवार्ड अन्तर्गत यो वर्ष कोभिड–१९ को बखतका उत्कृष्ट नागरिकहरू विधा थप गरिएको थियो । काफ्लेलाई सोही अवार्ड प्रदान गरिएको हो । उक्त अवार्ड ब्राम्टन नगरपालिकाका मेयर प्याट्रिक ब्राउनले प्रदान गरेका थिए ।

काफ्लेसहित यो अवार्ड अन्य ७ जनाले प्राप्त गरेका छन् । अवार्ड प्राप्त गर्नेमा अल्भिन लाउरडेस, अमनप्रित ब्रअर, अमिक सिंह, गिल डन, जेसिका बार र सर्भान्ती राजह हुन् ।

करिब ६ लाख जनसंख्या भएको ब्राम्टन शहर क्यानडाको ओन्टारियो ग्रेटर टोरन्टो क्षेत्रको सिटीमा पर्दछ । सन् १९७४ देखि नै सिटी अफ ब्राम्टनले विभिन्न क्षेत्रमा योगदान दिएका उत्कृष्ट नागरिकहरूलाई यी अवार्डहरूमार्फत सम्मान गरिँदै आएको छ ।

यस अवार्डको छनौट कमिटीमा विभिन्न विधाका विज्ञहरू, समुदायका सदस्यहरू, निर्वाचित स्थानीय जनप्रतिनिधिहरू, ब्राम्टनको फायर एण्ड इमर्जेन्सी सर्भिस, स्वंसेवक एमबीसी, ब्राम्टन स्पोटर्सस एलायन्स, ब्राम्टन सिनियर काउन्सिल र पिल रिजनल पुलिस रहदै आएको छ ।