स्थानीय बजारमा पहेँलो धातुको मूल्य आज(सोमबार) तोलामा रु १०० ले उकालो लागेको छ । तोलामा रु ९२ हजार रुपैयाँमा आइतबार कारोवार भएको छापावाला सुन आज भने तोलामा रु ९२ हजार १ सय मूल्य निर्धारण भएको छ ।
यस्तै तेजाबी सुन आइतबार तोलामा रु ९१ हजार ५०० मा कारोवार भएकामा आजका लागि भने रु ९१ हजार ६०० मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।
यसैगरी चाँदीको मूल्य भने आइतबारकै मूल्य कायम हुँदै तोलाको रु एक हजार २७० मा कारोवार भएको छ ।
