नवकान्तिपुर संवाददाता
काठमाडौं, १२ साउन ।
स्थानीय बजारमा पहेँलो धातुको मूल्य आज (मंगलबार) तोलामा रु ३०० ले ओरालो लागेको छ । तोलामा रु ९२ हजार १ सय रुपैयाँमा सोमबार कारोवार भएको छापावाला सुन आज भने तोलामा रु ९१ हजार ८०० मूल्य निर्धारण भएको छ ।
यस्तै तेजाबी सुन सोमबार तोलामा रु ९१ हजार ६०० मा कारोवार भएकामा आजका लागि भने रु ९१ हजार ३०० मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।
यसैगरी चाँदीको मूल्य भने सोमबारकै मूल्य कायम हुँदै तोलाको रु एक हजार २७० मा कारोवार भएको छ ।
