प्रि-सिजन तयारी अन्तर्गतको मैत्रीपूर्ण खेलमा इंग्लिस क्लब चेल्सी विजयी भएको छ। आइतबार भएको खेलमा अर्को इंग्लिस क्लब आर्सनल चेल्सीसँग २-१ ले स्तब्ध हुन पुग्यो ।

इमिरेट्स स्टेडियममा भएको निकै प्रतिस्पर्धात्मक खेलमा खेलको २७ औं मिनेटमा काइ हाभर्टेजले गोल गर्दै चेल्सीलाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफको ६९ औं मिनेटमा आर्सनलका ग्रानिट झाकाले गोल गर्दै खेललाई १-१ को बराबरीमा ल्याए ।

त्यस्तै खेलको ७२ औं मिनेटमा चेल्सीका टामी अब्राहमले गोल गर्दै चेल्सीलाई २-१ को अग्रता दिलाए । त्यसपछि बाँकी समयमा कुनै टोलीबाट गोल भएन र खेल चेल्सीले २-१ ले आफ्नो पक्षमा पार्यो ।