स्थानीय बजारमा पहेँलो धातुको मूल्य आज (सोमबार) तोलामा रु १०० ले ओरालो लागेको छ । तोलामा रु ९२ हजार ४०० रुपैयाँमा आइतबार कारोवार भएको छापावाला सुन आज भने तोलामा रु ९२ हजार ३०० मूल्य निर्धारण भएको छ ।

यस्तै तेजाबी सुन आइतबार तोलामा रु ९१ हजार ९०० मा कारोवार भएकामा आजका लागि भने रु ९१ हजार ८०० मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।

यसैगरी चाँदीको मूल्य भने स्थिर रहदै आइतबारकै अनुसार तोलाको रु १ हजार २८५ मा कारोवार भएको छ ।