स्थानीय बजारमा पहेँलो धातुको मूल्य आज (बुधबार) तोलामा रु ३०० ले ओरालो लागेको छ । तोलामा रु ९२ हजार ३०० रुपैयाँमा मंगलबार कारोवार भएको छापावाला सुन आज भने तोलामा रु ९२ हजार मूल्य निर्धारण भएको छ ।

यस्तै तेजाबी सुन मंगलबार तोलामा रु ९१ हजार ८०० मा कारोवार भएकामा आजका लागि भने रु ९१ हजार ५०० मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।

यसैगरी चाँदीको मूल्य भने मंगलबारको मूल्य भन्दा १० रुपैयाँ बढ्दै तोलाको रु १ हजार २८५ मा कारोवार भएको छ ।