नवकान्तिपुर संवाददाता
काठमाडौं, २९ साउन ।
तीज नजिकिदै गर्दा तीजका गीतहरु बजारमा तीव्र रुपमा सार्वजनिक भैरहेका छन् । यसै क्रममा नयाँ तीज गीत ‘दिदी बहिनी’को म्यूजिक भिडियो सार्वजनिक भएको छ ।
गीतमा गायिका शान्तिश्री परियार, लक्ष्मी मल्ल तथा गायक श्रीकृष्ण बम मल्लको स्वरको रहेको छ । गायक मल्लकै शब्द तथा संगीत रहेको गीतको संगीत संयोजक योगेशकाजी हुन् । भिडियोमा दीपाश्री निरौला, निर्मल शर्मा, रजनी केसी, सुमन गिरी भान्जा, कमला लामिछाने लगायतको अभिनय रहेको छ । राजु केसीको छायाँकन रहेको गीतको भिडियोमा गजित विष्टको कोरियोग्राफी रहेको छ ।
टेकेन्द्र शाहले सम्पादन गरेको भिडियोको निर्देशन दीपाश्री निरौलाले गरेकी हुन् । पछिल्लो समय मोडलिङमा समेत देखिँदै आएकी अभिनेत्री दीपाश्री नेपाली सिनेमा तथा कला क्षेत्रमा क्रियासिल छिन् ।
भिडियो :
