पवनदीप राजनले १२ औं संस्करणको गायन रियालिटी शो इन्डियन आइडलको उपाधि जितेका छन्। बिजेता घोषणासँगै निर्णायकहरु अनु मलिक र सोनु कक्कडले अवार्ड,कार र २५ लाख रुपैयाँको चेक पवनदीपलाई हस्तान्तरण गरेका थिए। उनले सनमुख प्रिया, अरूणीता कांजीलाल, मोहम्मद दानिश, निहाल ताउरो र सायली काम्बलेलाई भोटमा पछि पार्दै अवार्ड उचालेका हुन्।

नौ महिना अगाडी देखि सुरु भएको यस शो आइतबार भारतको ७५ औं स्वतन्त्रता दिवसको अवसर पारेर फिनाले आयोजना गरिएको थियो। २४ वर्षे पवनदीप राजनको जन्म भारतको उत्तराखन्ड कुमाउँको सानो जिल्ला चम्पावतमा भएको थियो । पवनदीपले अडिसन नै दर्शक र निर्णायकको मन जितेका थिए। प्रशंसकहरुको नजरमा उनि पहिले नै विजेता हुने अनुमान गरेका थिए।

गायनमा मात्र नभएर उनी वाद्यवाधनमा पनि उत्तिकै पोख्त छन्। उनी गितार, ढोलक, तबेला, हार्मोनियम, पियानो, ड्रमलगायत धेरै किसिमका बाजा बजाउँछन्। उनले उक्त शोमा थुप्रै नेपाली गीत गाएका छन्। उनले आईडल कै साथीहरुसँग धेरै नेपाली गीत कभर गरेका छन्।