सावित्री कंचनजंगा अगरबत्तीले ‘सुवासको बहार, धमाकेदार उपहार’ अफर ल्याएको छ । यस अफर अन्तर्गत कंचनजंगाको हरेक बट्टाको खरिदमा ग्राहकहरूले १० रूपैयाँसम्मको सुगन्धित उपहार पाउने भएका छन् ।

विगत दुई दशकदेखि निरन्तर रूपमा नेपालमा अन्तर्राष्ट्रिय गुणस्तरको अगरबत्ती उत्पादन गर्दै आएको सावित्री कंचनजंगा अगरबत्तीले समय–समयमा आफ्ना ग्राहकहरूका लागि विभिन्न प्रकारका अफर र स्किमहरू ल्याउँदै आएको छ ।

यस उद्योगका विभिन्न ब्राण्डका अगरबत्तीहरू अहिले नेपालबाहेक चीन, भारत, जापान, हङकङ, थाइल्याण्ड र भियतनाममा पनि निर्यात हुँदै आएका छन् ।