बलिउडका चर्चित नायक सलमान खान अहिले रसियामा चलचित्र ‘टाइगर–३’को सुटिङमा व्यस्त रहेका छन् । चर्चित चलचित्र ‘टाइगर’ को तेस्रो सिक्वेलको रुपमा बन्न लागेको यस चलचित्रमा सलमान दुई सिक्वेल जस्तै यो फिल्ममा पनि ‘र’ एजेन्टको भूमिकामा देखिँदैछन् ।

सुटिङकै क्रममा उनका केहि तस्विरहरु बाहिरिएका छन् । सुटिङ सेटबाट सलमानको फस्ट लुक लिक भएको हो । सलमान सुनौलो रंगको दाह्री, जुँगा र कपालमा देखिएका हुन् । उनको लुक हेर्दा उनी विदेशी नागरिक जस्तो देखिन्छ । चलचित्रमा कट्रिना कैफ, इमरान हाशमीको दमदार भूमिका रहेको छ ।

सार्वजनिक भएको सलमानको तस्विर अहिले सामाजिक संजालला भाइरल भएको छ । उनी यसअघिका चलचित्रमा भन्दा फरक अनुहारमा देखिएका छन् । जुन सबैको लागि चासोको विषय बन्न गएको छ ।