नवकान्तिपुर संवाददाता
काठमाडौं, ११ भदौ ।
नेकपा (एमाले) का उपाध्यक्ष डा. भीम बहादुर रावलले नेकपा एकीकृत समाजवादी दलका अध्यक्ष माधवकुमार नेपालले एमाले काम नलाग्ने पार्टी हो भनेर दिएको अभिव्यक्तिप्रति आश्चर्यजनक भएको बताएका छन् ।
बिहीबार एक ट्विट गर्दै उनले पार्टीको महासचिव, अध्यक्ष र प्रधानमन्त्री भइसकेर एमाले काम नलाग्ने पार्टी हो भन्नु आश्चर्यजनक भएको टिप्पणी गरेका हुन् । बिहीबार आयोजित पत्रकार सम्मेलनमा नेपालले एमाले काम नलाग्ने पार्टी भएको बताएका थिए ।
रावल ट्विटमा लेख्छन् – ”दक्षिणपन्थी पूँजीवादी नेकांसंग सहकार्य गरी पदमा जान खोज्नेहरूले नेकपा (एमाले) लाई १० बुँदे सहमतिको आधारमा एक हुनुपर्छ भन्नेहरूलाई दक्षिणपन्थी देख्नु उदेक लाग्दो कुरा हो । अझ यही पार्टीको महासचिव, अध्यक्ष र प्रधानमन्त्री भइसकेर एमाले काम नलाग्ने पार्टी हो भन्नु आश्चर्यजनक हो ।”
रावलको ट्विट :
