नेपाली चलचित्रकी अभिनेत्री करिश्मा मानन्धर अहिले कक्षा १२ को परीक्षाको लागि तयारी गर्दैछिन् । सामाजिक कार्य र व्यापार व्यवसायमा पनि सक्रिय हुँदै आएकी करिश्मा अहिले सबै काम छोडेर परीक्षाको लागि लागिपरेकी हुन् ।

केहि दिन अघि अन्तर्राष्ट्रिय इन्टेक्स ब्राण्डका इलेक्ट्रोनिक्स सामानको व्यवसाय नेपालमा सुरु गरेकी करिश्माले अहिले त्यो जिम्मेवारी आफ्नी छोरी कवितालाइ दिएकी छिन् भने फिल्म, घरको काम उनको श्रीमान विनोदले समलिरहेका छन् । परीक्षाको तयारी गर्नुपरेको हुनाले आफूले यस्तो गरेको करिश्माले बताईन् । त्यस्तै उनले असोज ४ गतेसम्म परीक्षा भएकोले सो नसकिएसम्म बाहिरको कुनैपनि कार्य नगर्ने बताएकी छिन् ।

किटनी कलेजमा अध्ययनरत करिश्माको परिक्षा सेन्टर पनि सोही कलेजमै रहेको छ । कोभिड–१९ महामारीका कारण स्थगित भएको कक्षा १२ को परिक्षा यही भदौ ३० गतेदेखि हुँदैछ ।