नेपाली बजारमा आज (बिहीवार) सुनको मूल्य प्रतितोला २०० रुपैयाँले घटेको छ । छापावाल सुन बुधवार प्रतितोला ८८ हजार ९०० रुपैयाँमा कारोबार भएको थियो ।

नेपाल सुन चाँदी व्यवसायी महासंघले सार्वजनिक गरेको तथ्यांक अनुसार छापावाल सुनको मूल्य प्रतितोला ८८ हजार ७०० रुपैयाँ तोकिएको छ । तेजाबी सुनको मूल्य प्रतितोला ८८ हजार २५० कायम गरिएको छ, जुन बुधवार प्रतितोला ८८ हजार ४५० रुपैयाँमा कारोबार भएको थियो ।महासंघका अनुसार चाँदीको मूल्य बुधवारको तुलनामा बिहीवार प्रतितोला ३५ रुपैयाँले घटेको छ । बुधवार प्रतितोला १ हजार १५५ रुपैयाँमा कारोबार भएको चाँदीको मूल्य बिहीवार प्रतितोला १ हजार १२० रुपैयाँ तोकिएको छ ।

अन्तर्राष्ट्रिय बजारमा हुने सुनचाँदी कारोबार मूल्यका आधारमा नेपालमा महासंघले सुन तथा चाँदीको मूल्य तोक्ने गर्दछ । अन्तर्राष्ट्रिय बजारमा यतिखेर सुन प्रतिऔंस १ हजार ७३२ दशमलव ७२ अमेरिकी डलरमा कारोबार भइरहेको छ ।