चलचित्र ‘चोर र पुलिस’ को टिजर सार्वजनिक भएको छ । आगामी कार्तिक १७ गतेदेखि देशभरका हलमा प्रदर्शन हुन लागेको फिल्मको टिजर गत शुक्रबार सार्वजनिक भएको हो ।

आरएल मोक्तानको निर्देशन रहेको चलचित्रमा रामेश्वर हुमागाईको छायाँकन, विकास चौधरीको संगीत र तारा थापा ‘किम्भे’ का सम्पादन रहेको छ । चलचित्रमा धिरेन शाक्य, राजेन्द्र खड्की, बुद्धि तामाङ, जयनन्द लामा, जयकिसन बस्नेत, रवि गिरी, शोभित बस्नेत, रामचन्द्र अधिकारी, सुरवीर पण्डित, जाहान्वी बस्नेत लगायतको अभिनय रहेको छ ।

आर सोनाम मोक्तान र लंका माया मोक्तान निर्माता रहेको चलचित्रमा करणबहादुर बिष्ट सहनिर्माता र खड्क लामा मोक्तान प्रस्तुतकर्ता हुन् । त्यस्तै कार्यकारी निर्माता भने जीवन लामा रहेका छन् ।

टिजर –