नवकान्तिपुर संवाददाता
काठमाडौं, २५ असोज ।
पछिल्लो चौबीस घण्टामा नेपालमा ७८५ जनामा कोरोना भाइरसको संक्रमण पुष्टि भएको छ भने १२ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा १२ हजार १९५ जनाको नमूना परीक्षण गरिएको थियो । जसमा ७ हजार २३३ पीसीआर परीक्षणमा ६६३ जना र चार हजार ९६२ एन्टिजेन परीक्षणमा १२२ जनामा कोरोना पुष्टि भएको हो ।
त्यस्तै, चौबीस घण्टामा १२ जनाको कोरोनाका कारण मृत्यु भएको छ । नेपालमा हाल मृत्यु हुनेको संख्या ११ हजार २४३ पुगेको मन्त्रालयले जनाएको छ । यस्तै आज ८८८ जना कोरोना संक्रमित निको भई डिस्चार्ज भएका छन् । योसँगै हालसम्म निको हुनेको संख्या ७ लाख ७६ हजार ८३१ जना पुगेको छ ।
नेपालमा हाल सक्रिय संक्रमितको संख्या १४ हजार ७८७ रहेको छ । जसमा १३ हजार ६२२ जना होम आइसोलेसनमा छन् भने १ हजार १६५ जना संस्थागत आइसोलेसनमा रहेका छन् । यस्तै ३१४ संक्रमित आईसीयूमा र १११ जना भेन्टिलेटरमा उपचाररत् छन् । यससँगै देशभर कोरोना संक्रमितको कुल संख्या पीसीआर विधिबाट ८ लाख दुई हजर ८६१ र एन्टिजेन विधिबाट ९३ हजार ११६ जना पुगेको छ ।
