डेनमार्क कतारमा हुने फिफा विश्वकप-२०२२ मा छनोट हुने दोस्रो टोली बनेको छ । युरोपेली क्षेत्रको छनोट अन्तर्गत मंगलबार राति भएको भएको खेलमा अष्ट्रियालाई १-० ले पराजित गर्दै डेनमार्क विश्वकपमा छनोट भएको हो ।

पहिलो हाफ गोलरहित बराबरीमा सकिएको खेलमा दोस्रो हाफमा डेनमार्कले १ गोल गर्यो । दोस्रो हाफको ५३ औं मिनेटमा जोकिम माहेलले गोल गर्दै देन्मर्क्लाई अग्रता दिलाएका थिए । त्यसपछि थप समयमा कुनै टोलीबाट गोल भएन र खेल डेनमार्क ले १-० ले आफ्नो पक्षमा पार्दै विश्वकपमा छनोट भयो ।

यसअघि जर्मनी विश्वकपमा छनोट हुने पहिलो टोली भएको थियो । समूह ‘जे’ मा ८ खेलबाट २४ अंक जोडेको डेनमार्क शीर्ष स्थानमा रहँदै दुई खेल अगाबै विश्वकपमा छनोट भएको हो ।