गायिका समीक्षा अधिकारीले आफू र पल शाहको बीचको सम्बन्धको विषयमा आएको समाचार प्रति आक्रोश व्यक्त गरेकी छिन। पल र समीक्षाबीच अनैतिक सम्बन्ध रहेको र २ वर्ष भित्र बिहे गर्ने सहमति भएका समाचार बाहिरिएपछि यो जोडीलाई लिएर दर्शकले बिभिन्न अड्कलबाजी गरिरहेका छन।

तर समीक्षाले भने आफूलाई मिडियाले बदनाम गर्न खोजेको र पल साह माथी झन् असर पर्ने काम गरेको भन्दै आक्रोशित भएकी छिन। उनले आफू र पलबीच कुनै अनैतिक सम्बन्ध न रहेको समेत फेसबुकको स्टाटसमा लेखेकी छिन।

पल शाह मेरो अभिभावक हुन् भन्दै समीक्षाले यस्ता गलत प्रचार गर्नेहरुको पछि नलाग्न दर्शकलाई अनुरोध पनि गरेकी छिन।

समीक्षाको फेसबुक स्टाटस जस्ताको त्यस्तैः

नमस्कार,मलाई समिक्षा अधिकारी बनाउनु हुने मेरा सम्पुर्ण दर्शक श्रोता ज्युहरुमा हार्दिक नमन गर्दछु। पछिल्लो समय मेरो बारेमा नायक पल शाह ज्यु सङ्ग जोडेर हुँदै नभएको कपोलकल्पित समाचारहरु आएका छन् । यसप्रति मेरो गम्भीर ध्यानाकर्षण भएको छ। समाचारमा मेरो र पल जिको सम्बन्धलाई तोड मोड गरेर तुच्छ प्रकारका कुराहरु मिडियामा आएका छन् । जसले मेरो चरित्र हत्या भएको छ।

यसका साथ साथै पल जिको क्यारिअर माथि आच आउने किसिमले सस्तो प्रचार बाजि गरिराको छन। यसो नगर्नुहुन अनुरोध गर्दछु। बिना स्रोत अफबाहमा लेखिएका यी समाचारले हामिलाई सामाजिक र चारितृक रुपमा निकै नै असर पुराएको छ यस कुरा प्रती म र मेरो परिवार खेद प्रकट गर्दछौ ।

एउटै इण्डसट्रीजमा भएको हिसाबले पल जि ले मलाई अभिभावकको हिसाबले माया गर्नुहुन्छ जुन माया उहाले आफुसङ्ग जोडिएका सबै सहकर्मी हरुलाई गर्नुहुन्छ र गरिरहनु हुनेछ। मेरो कला र क्षमता लाई माया संरक्षण गर्नुहुन्छ म उहाको सदैव फ्यान पनि हु। र हामिबिच मा कुनै प्रकारको अनैतिक सम्बन्ध नरहएको र हामी केवल साथमा काम गरिरहेको छौ र हजुरहरुको माया रहेसम्म सधै राम्रो काम गरिरहने छौ। राष्ट्रको चौथो अङ्ग मानिएको पत्रकारिता का अग्रज र दिग्गज अभिभावक हरुले पनि यसरी मान हानी र चरित्र हत्या हुने किसिमले लेखिएका समाचार ले निकै दुखी छु। मैले यो अपेक्षा गरेको थिएन ।

म जे छु जहा छु यो सब मेरा भगवान रुपि दर्शक श्रोता को देन हो र हजुरहरुलाई कुनै पनि कुराले निराश गर्न सक्दिन र गर्ने छैन। मेरो बारेमा मेडियामा आएका झुटा समाचार हरु प्रती घोर निन्दा गर्दछु र हजुरहरु यसको पछाडी नलाग्नुहुन हार्दिक अनुरोध गर्दछु। अन्त्यमा सम्पुर्ण पत्रकार ज्युहरु लाई पनि हार्दिक निबेदन गर्न चाहन्छु कसैको व्यक्त्तिगत जिवनमा आच आउने मान हानी तथा चरित्र हिन हुने किसिमको समाचार नबनाउनु होला।
सबैलाई धेरै धेरै माया
धन्यबाद।