नवकान्तिपुर संवाददाता
काठमाडौं, ११ कार्तिक।
टी-२० वरीयतामा नेपालको स्थान यथावत रहेको छ । अन्तराष्ट्रिय क्रिकेट परिषद (आईसीसी) ले सार्वजनिक गरेको नयाँ वरीयतामा नेपाल १४ औं स्थानमा रहेको हो ।
यस अघि पनि नेपाल वरीयताको १४ औं स्थानमा रहेको थियो । त्यस्तै आईसीसीले सार्वजनिक गरेको टी-२० को नयाँ वरीयताको शीर्ष स्थानमा इंग्ल्यान्ड, दोस्रोमा भारत र तेस्रोमा पाकिस्तान रहेको छ भने न्युजिल्याण्ड चौंथो र दक्षिण अफ्रिका पाँचौं स्थानमा रहेका छन् ।
यस्तै एकदिवसीय वरीयतामा भने नेपाल १६ औं स्थानमै यथावत रहेको छ । यस अघि पनि नेपाल १६ औं स्थानमै रहेको थियो ।
