नेपालमा आज(आइतबार) सुनको मूल्य प्रतितोला रु ३०० ले घटेको छ । स्थानीय बजारमा आज छापावाल सुनको मूल्य प्रतितोला रु ९१ हजार ७०० तोकिएकामा शुक्रबार प्रतितोला रु ९२ हजारमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९१ हजार २०० रहेकामा शुक्रबार प्रतितोला रु ९१ हजार ५०० मा कारोबार भएकोे थियो । यसैगरी आज चाँदी शुक्रबारको तुलनामा प्रतितोला रु पाँच घटेर रु एक हजार २४० कायम भएको छ । चाँदी शुक्रबार प्रतितोला रु एक हजार २४५ मा कारोबार भएको थियो ।

छापावाल सुन यो साताको मङ्गलबार अधिकतम रु ९२ हजार ६०० मा कारोबार भएको थियो । महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।