नेकपा (माओवादी केन्द्र)का अध्यक्ष प्रचण्डले एमाले अध्यक्ष केपी शर्मा ओलीले गणतन्त्र अन्त्य गराउन पूर्वराजा ज्ञानेन्द्र शाहका मान्छेसँग साँगठगाँठ गरिरहेको आरोप लगाएका छन्। सोमबार काठमाडौंको कीर्तिपुरमा आयोजित शुभकामना आदानप्रदान तथा चियापान कार्यक्रममा उनले एमाले अध्यक्ष ओलीले पूर्वराजा ज्ञानेन्द्रका केही मान्छेसँग भेटेर आफूलाई गणतन्त्र पटक्कै मन नपरेको र यसलाई अन्त्य गराउने उपायको खोजीमा रहेको बताएको दाबी गरेका हुन्।

‘केपी ओलीले ज्ञानेन्द्रका मान्छेसँग भेटेर भने रे-मलाई यो गणतन्त्र मनै परेको छैन, यसलाई कसरी अन्त्य गराउने होला भनेर भनेको भन्ने मैले सुनें।’ उनले भने ।

प्रचण्डले आफ्नो पार्टी र एमाले मिलेर बनेको नेकपा विभाजन भएको नभई गराइएको दाबी पनि गरेका छन् ।