नेपालमा आज(बुधबार) सुनको मूल्य प्रतितोला रु ५०० ले घटेको छ । स्थानीय बजारमा आज छापावाल सुनको मूल्य प्रतितोला रु ९१ हजार ५०० तोकिएकामा मंगलबार प्रतितोला रु ९२ हजारमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९१ हजार रहेकामा मंगलबार प्रतितोला रु ९१ हजार ५०० मा कारोबार भएकोे थियो । यसैगरी आज चाँदी मंगलबारको तुलनामा प्रतितोला रु २५ घट्दै रु एक हजार २२५ कायम भएको छ । चाँदी मंगलबार प्रतितोला रु एक हजार २५० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।