नवकान्तिपुर संवाददाता
काठमाडौं, २२ कात्तिक ।
बलिउड चलचित्र सूर्यवंशी यतिखेर हलमा लागिरहेको छ । कोरोना महामारीपछि अस्तव्यस्त बनाएको यस चलचित्रले भारत तथा नेपालमा समेत आशा जगाएको छ ।
अक्षय कुमार, कैटरिना कैप, अजय देवगन, रणवीर सिंह, गुलशन ग्रोवरलगायतले अभिनय गरेको यस चलचित्रले बक्सअफिसमाा आक्रामक व्यापार गरिरहेको छ । सूर्यवंशीले बक्स अफिसमा नयाँ रेकर्ड समेत बनाएको छ । चलचित्रले दुई दिनमा भारतमा मात्रै ५० करोडभन्दा बढी भारतीय रुपैयाँ आम्दानी गरेको छ ।
चलचित्र विश्लेषक तरण आदर्शले यस चलचित्रको दुई दिनको कमाईलाई लिएर ट्वीटरमा एक ट्वीट गरेका छन् । उनले, सूर्यवंशीले चौथो दिनसम्ममा ८० करोड रुपैयाँभन्दा बढी कमाइ गर्ने अनुमान गरेका छन् ।