नेपालमा आज(मंगलबार) सुनको मूल्य प्रतितोला रु २०० ले घटेको छ । स्थानीय बजारमा आज छापावाल सुनको मूल्य प्रतितोला रु ९२ हजार ३०० तोकिएकामा सोमबार प्रतितोला रु ९२ हजार ५०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९१ हजार ८०० रहेकामा सोमबार प्रतितोला रु ९२ हजारमा कारोबार भएकोे थियो । यसैगरी आज चाँदीको मूल्य स्थिर रहँदै सोमबारकै मूल्य अनुसार एक हजार २५० मा कारोबार भएको छ । सोमबार पनि चाँदी प्रतितोला रु एक हजार २५० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।