चलचित्र ‘सिल्ली फो’ निर्माण हुने भएको छ । चलचित्रमा अभिनेत्री केकी अधिकारी मुख्य भूमिकामा रहने छिन् ।

चलचित्रमा केकी सहित राजाराम पौडेल, रविन्द्र झा, दिनेश रेग्मी, दीपक थापा, अनिथा श्रेष्ठ, चन्द्र पोखरेल, अनिता लामिछाने, भुगोल कार्की, रमेश बजगाइँ, सरस्वती रामजाली मगर, सागर विष्ट, कुशल बोहोरा लगायतको अभिनय रहनेछ । राजबहादुर सानेको लेखन तथा निर्देशनमा बन्न लागेको चलचित्रमा ४ बदमास मानिसको कथा समेटिनेछ ।

पुरुषोतम न्यौपानेको संगीत, रामजी लामिछानेको कोरियोग्राफी रहने चलचित्रको प्रस्तुतकर्ता भने रुद्र खनाल रहेका छन् । चलचित्रको निर्मातामा मनोज डिके र सह-निर्मातामा विशाल श्रेष्ठ र सागर विष्ट छन् । चलचित्रको छायांकन मंसिर १ बाट सुरु हुने निर्माण पक्षले जनाएको छ ।