नवकान्तिपुर संवाददाता
काठमाडौं, २० मंसिर ।
भारतमा थप १७ जनामा कोभिड-१९ को नयाँ भेरियन्ट ओमिक्रोन संक्रमण पुष्टि भएको छ । आइतबार एकैदिन उक्त भेरियन्टका १७ संक्रमित थपिएका हुन् ।
राजस्थानमा नौ, महाराष्ट्रमा सात र नयाँ दिल्लीमा ओमिक्रोनका एक संक्रमित फेला परेका हुन् । योसँगै भारतमा हालसम्म २१ जनामा ओमिक्रोन पुष्टि भएको बीबीसी हिन्दीले जनाएको छ ।
विश्व स्वास्थ्य संगठनले यो भेरियन्ट चिन्ताको विषय भएको जनाएको छ । नेपालको सीमामा सतर्कता अपनाउन पनि आग्रह गरिएको छ ।
