ओमिक्रोन कोरोनाभाइरस संस्करणको उदयले महामारीको सामना गर्न विश्वलाई पुनः एक ठाँउमा ल्याएको छ । बेलायत सरकारका पूर्व वैज्ञानिक सल्लाहकार एवं वेलकम ट्रस्टका निर्देशक जेरेमी फरारले भनेका छन्, ‘यो संस्करणले हामी सबैलाई सम्झाउँछ कि हामी अन्त्य भन्दा महामारीको शुरुवातको नजिक छौं,’ फारारले शनिबार पर्यवेक्षकका लागि आफ्नो लेखमा उल्लेख गरेका छन् ।

उनले यो पनि थपेका छन् कि हाल विकसित कोभिड-१९ खोपहरूले पूर्ण रूपमा खोप लगाएकाहरूलाई नयाँ भेरियन्टमा समात्न र गम्भीर रूपमा बिरामी पर्नबाट जोगाउनेछ भन्ने कुरामा पनि उनी ‘सतर्कताका साथ आशावादी’ रहेको जनाएका छन् । ‘जति लामो समयसम्म यो भाइरस विश्वव्यापी रूपमा ठूलो मात्रामा खोप नलगाएका जनसंख्याहरूमा फैलिरहन्छ हाम्रो खोप र उपचारहरूमाथि त्यति नै दबाबमा पर्छ ।’

फरारका अनुसार यदि विश्वव्यापी खोप आपूर्ति सुनिश्चित गर्न सकिन्छ भने हामी अझ नयाँ संस्करणको उदयलाई रोक्न सक्छौं, उनले थपे । त्यसकारण उनले धनी देशहरूलाई आगामी महिनाहरूमा गरिब राष्ट्रहरूलाई थप खोप आपूर्तिहरू पुर्याउँन मद्दत गर्न आह्वान गरे । फरारले इनडोर स्पेसहरूमा मास्क लगाउन जारी राख्न र सामाजिक दूरीका उपायहरू पालना गर्न आग्रह गरेका छन् । फरारले गत महिना सरकारी वैज्ञानिक सल्लाहकारको रूपमा आफ्नो पदबाट राजीनामा दिएका थिए ।