एभरेष्ट नेपाल कल्चरल ग्रुपद्वारा गत २०७६ साल फाल्गुनमा आयोजित दसौं अन्तर्राष्ट्रिय लोक सांस्कृतिक मेलाको प्रमुख अतिथि रहनुभएका सम्माननीय उपराष्ट्रपति नन्दबहादुर पुनलाई कल्चरल ग्रुपका पदाधिकारीहरुले उपराष्ट्रपति कार्यालयमा विहीबार भेट गरी सम्माननीय उपराष्ट्रपतिलाई धन्यवाद पत्रसमेत प्रदान गरेका छन् । सो अवसरमा एभरेष्ट नेपाल कल्चरल ग्रुपमा रही नेपाली कला संस्कृतिको सम्बद्र्धन तथा प्रवद्र्धनको लागि लामो समयदेखि अनवरत लागिरहेका कलाकारहरुलाई उपराष्ट्रपतिको तर्फबाट पनि सम्मान पत्र प्रदान गरिएको थियो ।
एभरेष्ट नेपाल कल्चरल ग्रुपका अध्यक्ष आरसी कोइरालाको नेतृत्व रहेको टोलीमा निर्देशक सीतल आचार्य, निर्देशकद्वय प्रदीप तिमल्सिना र दीपेन्द्रराम भण्डारी, नृत्य निर्देशकद्वय जोगेन्द्र केसी तथा शम्भु शाही, प्रशासन अधिकृत डेकप्रसाद अधिकारी, सदस्य मानबहादुर श्रेष्ठ तथा सुनील नेपालको उपस्थित रहेको थियो ।
कार्यक्रमलाई सम्बोधन गर्ने क्रममा उपराष्ट्रपतिबाट आगामी दिनहरूमा एभरेष्ट नेपाल कल्चरल ग्रुपले आयोजना गर्ने वा भाग लिने कुनै पनि राष्ट्रिय तथा अन्तर्राष्ट्रिय सांस्कृतिक मेलाहरुमा आफ्नोतर्फबाट सक्दो सहयोग गर्ने प्रतिबद्धतासमेत प्रकट गरेको ग्रुपका अध्यक्ष आरसी कोइरालाले जानकारी दिए ।
