च्याम्पियन्स लिग फुटबलको राउण्ड अफ १६ को ‘ड्र’ सार्वजनिक गरेको छ । सोमबार राति युरोपियन फुटबलको सर्वोच्च निकाय (यूईएफए) ले ‘ड्र’ सार्वजनिक गरेको हो ।

सार्वजनिक भएको ‘ड्र’ अनुसार पेरिस सेन्ट जर्मेन (पीएसजी) र रियल मड्रिडबीच प्रतिस्पर्ध हुनेछ भने इंग्लिस क्लब चेल्सीले फ्रेन्च क्लब लिलसँग, इंग्लिस क्लब लिभरपुलले इटालियन क्लब इन्टर मिलानसँग, म्यानचेस्टर सिटीले स्पोर्टिङ लिस्बनसँग, जर्मन क्लब बायर्न म्युनिखले अष्ट्रियाको आरबी साल्जवर्गसँग र बेन्फिकाले आयाक्ससँग, म्यानचेस्टर युनाईटेडले एट्लेटिको मड्रिड र युभेन्ट्सले भिल्ला रियलसँग प्रतिस्पर्धा गर्नेछन् ।

फेब्रुअरी १५, १६, २२ र २३ मा राउण्ड अफ १६ अन्तर्गतको पहिलो लेग हुनेछ भने दोस्रो लेग मार्च ८,९,१५ र १६ मा हुनेछ।