नेपालमा आज(बिहीबार) सुनको मूल्य तोलामा रु ७०० ले बढेको छ । स्थानीय बजारमा आज छापावाल सुनको मूल्य प्रतितोला रु ९३ हजार रहेकोमा बुधबार रु ९२ हजार ३०० मा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य अनुसार प्रतितोला रु ९२ हजार ५०० रहेकामा बुधबार प्रतितोला रु ९१ हजार ८०० मा कारोबार भएकोे थियो । यसैगरी आज चाँदीको मूल्य भने बुधबारको मूल्य भन्दा २५ रुपैयाँ बढ्दै तोलाको एक हजार २३५ मा कारोबार भएको छ । बुधबार चाँदी प्रतितोला रु एक हजार २१० मा कारोबार भएको थियो ।
महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।
