नेपालमा आज(आइतबार) सुनको मूल्य स्थिर रहेको छ । स्थानीय बजारमा आज छापावाल सुनको मूल्य शुक्रबारकै मूल्य अनुसार प्रतितोला रु ९३ हजार १०० मा कारोबार भएको हो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य पनि शुक्रबारकै मूल्य अनुसार प्रतितोला रु ९२ हजार ६०० मा कारोबार भएकोे छ । यसैगरी आज चाँदीको मूल्य भने स्थिर रहँदै शुक्रबारकै मूल्य अनुसार कारोबार भएको छ । शुक्रबार चाँदी प्रतितोला रु एक हजार २६० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ । अन्तर्राष्ट्रिय बजारमा आज सुन प्रतिऔँस एक हजार ८१० डलर आसपास कारोबार भइरहेको छ ।