चर्चित गायक राजेश पायल राईलाई दुर्व्यवहार गर्ने व्यक्तिले माफी मागेका छन् । अमेरिकाको न्युयोर्क शहरमा अंग्रेजी नयाँ वर्षको अवसरमा आयोजित एक कार्यक्रममा उनीमाथि दुर्व्यवहार भएको हो ।

उनलाई स्टेज माथि गएर पासाङ दावा शेर्पाले दुर्व्यवहार गरेका थिए । शेर्पाले गायक राईलाई खाँदा ओढाएर माफी मागेका हुन् । त्यस्तै गायक राईले पनि सामाजिक सञ्जाल फेसबुकबाट पासाङ दावा शेर्पालाई माफी दिएको बताएका छन् । शेर्पाले माफी माग्दै भनेका छन्, ‘न्यू इयर इभको दिन भएकाले पनि म केही उत्तेजित भएँ । मैले उहाँलाई अंगालो हालेर उचाल्न खोजेको हुँ । तर, मेरो कारणले उहाँलाई कार्यक्रममा डिस्टर्ब भयो । म माफी माग्न चाहन्छु । म सबैसँग हात जोडेर माफी माग्छु ।’

बुद्ध ट्याक्स एण्ड एकाउन्टिङ नेपाल अमेरिकन कम्युनिटीको आयोजना रहेको कन्सर्टमा सांगीतिक प्रस्तुति दिँदै गर्दा पासाङले स्टेजमै चढेर उनी माथि हातपात गरेका थिए । कन्सर्टमा उनीमाथि हातपात भएको भिडियो सामाजिक सञ्जालमा भाइरल भएको थियो ।

सामाजिक सञ्जाल फेसबुकमा गायक रीले लेखेको स्टाटस जस्तो त्यस्तै
मानिस हो मानिसबाटै गल्ति हुन्छ ।
गल्ति स्विकार्नु पनि महानता हो । र उहा थोरै बिरामी हुनुहुन्छ । उहाको सिघ्र स्वास्थ्य लाभको कामना ।
अब ऊप्रान्त उहालाई गाली गलोज नगर्न आग्रह गर्दछु ।
यहाहरूकै
राजेशपायल राई (हाल) अमेरिका