दिल्लीका मुख्यमन्त्री अरविन्द केजरीवाललाई कोभिड–१९ पोजेटिभ संक्रमण पुष्टि भएको छ। केजरीवालले ट्वीटमार्फत आफूलाई कोरोना संक्रमण पुष्टि भएको बताएका छन्।

कोरोना पुष्टिपछि आफू क्वारेन्टाइनमा बसेको र आफ्नो नजिक सम्पर्कमा आएकालाई सतर्कता अपनाउन उनले आग्रह गरेका छन्। पछिल्लो समय पन्जाव र उत्तराखण्डमा पार्टीको चुनावी प्रचारमा रहेको केजरीवाललाई उतै संक्रमण भएको हुन सक्ने जनाइको छ।

भारतमा कोभिड संक्रमण फेरि तीव्र गतिमा फैलिएको छ । कोभिडको नयाँ भेरियन्ट ओमिक्रोन तिब्र गतिमा फैलिएसँगै संक्रमितको संख्या बढेको हो ।

औषतमा दैनिक ३५ हजारसम्म नयाँ संक्रमित थपिएका छन् । पछिल्लो साता कोभिड संक्रमितको संख्या २२ प्रतिशतले बढेको छ । भारतमा कोभिडको तेस्रो लहर सुरु भइसकेको विज्ञहरुले बताएका छन् ।