माघ ३ गतेको लागि बोलाइएको प्रतिनिधिसभाको बैठक पुन: स्थगित भएको छ । आज (आइतबार ) संसद्को सचिवालयले एक सूचना जारी गर्दै बैठक स्थगित भएको जनाएको हो ।
संसद्को सचिवालयले प्रतिनिधिसभाको अर्को बैठक माघ १६ गते बस्ने जनाएको छ । सङ्घीय संसद्का महासचिव डा. भरतराज गौतमले बैठक माघ १६ गते दिउँसो १ बजे बैठक बस्ने जानकारी दिए । यसअघि गत पुस २८ पुस का लागि बोलाइएको बैठक पनि स्थगित गर्दै माघ ३ का लागि सारिएको थियो ।
सभामुख अग्निप्रसाद सापकोटाले सोमबार १ः०० बजेका लागि पूर्वनिर्धारित बैठक कोरोना सङ्क्रमणको जोखिमका कारण उक्त मितिमा बस्ने गरी समय परिवर्तन गरेको सङ्घीय संसद्का महासचिव गौतमद्वारा जारी सूचनामा उल्लेख छ । त्यस्तै माघ ३ गते दिउँसो १ बजेका लागि तय गरिएको प्रतिनिधिसभाको अनिश्चितकालका लागि स्थगित भएको छ ।
आज (आइतबार) एक सूचना जारी गर्दै सङ्घीय संसद्का महासचिव भरतराज गौतमले माघ ३ गते सोमबार १ बजे बस्ने गरी निर्धारण गरिएको राष्ट्रियसभाको बैठक अर्को सूचना नभएसम्मका लागि स्थगित भएको जनाएका हुन् । महासचिव गौतमले विशेष कारणबस बैठक बस्न नसक्ने जनाएका छन् ।
प्रतिनिधिसभा बैठकको स्थगित सूचना
राष्ट्रियसभा बैठकको स्थगित सूचना
