नेपाली बजारमा सुनको मूल्य सोमबार पनि गिरावट देखिएको छ। नेपाल सुनचाँदी व्यवसायी महासंघका अनुसार सुनको भाउ यस महिनाकै कमजोर बनेको हो।

आइतबार ४ सय रुपैयाँले घटेको सुनको मूल्य सोमबार पनि ४ सय रुपैयाँले घटेको हो। यससँगै छापावाल सुनको भाउ प्रतितोला ९१ हजार ८ सय रुपैयाँमा झरेको छ। त्यस्तै तेजावी सुनको भाउ प्रतितोला ९१ हजार ३ सय रुपैयाँमा झरेको छ।

आज चाँदीको मूल्य पनि प्रतितोला १० रुपैयाँले घटेको छ। चाँदी प्रतितोला १ हजार २४० रुपैयाँमा कारोबार भइरहेको छ।