स्पेनिस कोपा डेल रे फुटबलको क्वाटरफाइनलबाट रियल मड्रिड बाहिरिएको छ । बिहीबार राति भएको खेलमा एथ्लेटिक बिल्बाओसँग १-० पराजित हुँदै रियल मड्रिड क्वाटरफाइनलबाटै बाहिरिएको हो ।

बिल्बाओको लागि एलेक्स बेरेन्गुएरले गोल गरे । पहिलो हाफ गोलरहित बराबरीमा सकिएको निकै प्रतिस्पर्धात्मक खेलमा खेलको अन्तिम मिनेट सम्हालिन नसक्दा रियल मड्रिड पराजित हुन पुग्यो । खेलको ८९ औं मिनेटमा एथ्लेटिक बिल्बाओका एलेक्सको गोल नै टोलीलाई जित दिलाउन पर्याप्त रह्यो । त्यसपछि कुनै टोलीबाट गोल भएन र खेल एथ्लेटिक बिल्बाओले १-० ले आफ्नो पक्षमा पार्यो ।

जितसँगै बिल्बाओ सेमिफाइनलमा प्रवेश गरेको छ । त्यस्तै बिहीबार राति नै भएको अर्को खेलमा रियल बेटिसले रियल सोसिडाडलाई ४-० को फराकिलो अन्तरले पराजित गर्दै सेमिफाइनलमा आफ्नो स्थान सुरक्षित गरेको छ ।