नेपालमा आज (आइतबार) सुनको मूल्य स्थिर रहेको छ । स्थानीय बजारमा आज छापावाल सुनको मूल्य प्रतितोला रु ९२ हजार ५०० रहेकोमा शुक्रबार पनि रु ९२ हजार ५०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य पनि शुक्रबारकै मूल्य अनुसार प्रतितोला रु ९२ हजारमा कारोबार भएकोे छ । यसैगरी आज चाँदीको मूल्य पनि स्थिर रहेको छ । आज चाँदी शुक्रबारकै मूल्य अनुसार प्रतितोला रु एक हजार २५० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।