नेपालमा आज (बुधबार) सुनको मूल्य १६०० रुपैयाँले घटेको छ । स्थानीय बजारमा आज छापावाल सुनको मूल्य प्रतितोला रु ९५ हजार १०० रहेकोमा मंगलबार रु ९६ हजार ७०० हजारमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९४ हजार ६०० रहेकामा मंगलबार प्रतितोला रु ९६ हजार २०० मा कारोबार भएकोे थियो । यसैगरी आज चाँदीको मूल्य पनि मंगलबारको मूल्य भन्दा ३५ रुपैयाँ घट्दै १ हजार २८५ माकारोबार भएको छ । मंगलबार चाँदी प्रतितोला रु एक हजार ३२० मा कारोबार भएको थियो ।

महासङ्घले अन्तर्राष्ट्रिय बजारको कारोबार मूल्यका आधारमा यहाँ सुन तथा चाँदीको मूल्य तोक्दै आएको छ ।