बलिउडका चर्चित गायक बप्पी लहरीको मङ्गलबार राति ११ बजे जुहुको एक अस्पतालमा ६९ वर्षको उमेरमा निधन भएको छ । केही हप्तादेखि विरामी भएका लहरीको मगंलबार पौने १२ बजे अस्पतालमा उपचारकै क्रममा मृत्यु भएको बताइएको छ ।

उनको ओएसए (अब्सट्रक्टिभ स्लीप एपनिया)का कारण निधन भएको अस्पतालले जनाएको छ । २७ नोभेम्बर १९५२ मा पश्चिम बंगालको कोलकातामा जन्मिएका बप्पी लहरीको खास नाम आलोकेश लाहिरी थियो । उनको बाल्यकालदेखि नै संगीतप्रति झुकाव थियो । उनका बुबा अपरेश लहरीको बंगाली गायक थिए, जबकि आमा वनसरी लहरी संगीतकार र गायिका थिइन्।

बलिउडमा रक एन्ड डिस्को बनाएर सिंगो देशलाई आफ्नो धुनमा नाचेका बप्पी लहरीले धेरै फिल्ममा काम गरेका थिए । उनले ८० को दशकमा बलिउडलाई अविस्मरणीय गीतको उपहार दिएर आफ्नो पहिचान बनाएका थिए । उनले ‘आई एम अ डिस्को डान्सर’, ‘जिम्मी जिम्मी’ ‘आजा आजा’, ‘पग घुङ्रु’ जस्ता गीत गाएर दर्शकलाई मोहित पारेका थिए ।