बलिउड अभिनेता शाहिद कपुरको फिल्म ‘जर्सी’ को दोस्रो ट्रेलर सार्वजनिक गरिएको छ । फिल्म रिलिज हुनुअघि नै निर्माताले जर्सीको दोस्रो ट्रेलर सार्वजनिक गरेका हुन् ।

रिलिज मिति पटकपटक सारिएको यस फिल्म अन्ततः अप्रिल १४ मा हलमा रिलिज हुँदैछ । शाहिदका फ्यानहरु यस फिल्मलाई उत्सुकताका साथ पर्खिरहेका छन् । ट्रेलरमा शाहिद कपुरको क्रिकेटप्रतिको प्रेम र समर्पण देख्न सकिन्छ । ट्रेलरमा शाहिद कहिले प्रेमी केटा, कहिले बुवा र कहिले क्रिकेटरको भूमिकामा देखिएका छन् ।

ट्रेलरमा शाहिद कपूर र मृणाल ठाकुरको प्रेमकथा र यसमा आउने उतारचढावको झलक पनि देखाइएको छ । फिल्म जर्सीले ठूलो पर्दामा यशको ‘केजीएफ च्याप्टर २’ सँग प्रतिस्पर्धा गर्न लागेको छ । दुवै फिल्म एकै दिन रिलिज हुँदैछन् । जर्सी सोही नामको तेलुगु सुपरहिट फिल्मको हिन्दी रिमेक हो । फिल्मलाई गौतम तिन्ननुरीले निर्देशन गरेका हुन् ।

यस फिल्ममा शाहिद कपुरका अलावा मृणाल ठाकुर, पंकज कपुर र शरद केलकर पनि महत्वपूर्ण भूमिकामा देखिनेछन् । जर्सी एक खेल नाटक हो जसले क्रिकेटरको संघर्षलाई चित्रण गर्दछ ।

ट्रेलर –