बलिउड अभिनेत्री सोनम कपुर यतिबेला आफ्नो गर्भावस्थाको मज्जा लिइरहेकी छिन् । उनले सामाजिक सञ्जालमा आफ्नो बेबी बम्पको तस्विर पनि शेयर गरिरहेकी छिन् ।
हालै सोनम कपुरले आफ्नो बेबी बम्प देखाउँदै केही सुन्दर तस्विर शेयर गरेकी छिन् । यी तस्विरहरूमा सोनम सेतो मखमलको ड्रेसमा रानीको जस्तै बेबी बम्प फ्ल्यान्ट गरिरहेकी छिन् । हेभी ज्वेलरी र खुला कपालमा सोनम निकै सुन्दर देखिएकी छिन् । तस्विरमा उनको बेबी बम्प प्रष्ट देखिन्छ । आमा बन्ने खुशी अभिनेत्रीको अनुहारमा पनि प्रष्ट देखिन्छ ।
सोनम कपुर र आनन्द आहुजाले सन् २०१८ मा विवाह गरेका थिए । आनन्द आहुजा लन्डनका एक प्रसिद्ध व्यापारी हुन् । विवाहपछि सोनम श्रीमानसँग लण्डनमा बसेकी छिन् । विवाहको चार वर्षपछि अब सोनम र आनन्द अभिभावक बन्न लागेका छन् ।
