बलिउड अभिनेत्री कंगना रनौतको बहुप्रतिक्षित फिल्म ‘धाकड’को धमाकेदार ट्रेलर सार्वजनिक भएको छ । ट्रेलरमा कंगनाले एजेन्ट अग्निको भूमिकामा जबरदस्त एक्सन गरेकी छिन् । कंगनाको यो फिल्म हाई ओक्टेन स्पाई थ्रिलर हो ।

फिल्मको ट्रेलर एजेन्ट अग्निले एसियाको सबैभन्दा ठूलो मानव बेचबिखन रैकेटको बारेमा थाहा पाएपछि सुरु हुन्छ । फिल्ममा अर्जुन रामपाल र दिव्या दत्तको पनि अभिनय रहेको छ । अर्जुन रामपाल रुद्रवीरको भूमिकामा रहेका छन् । फिल्मको कथा एसियामा फैलिएको मानव बेचबिखनको वरिपरि घुमेको छ ।

यो तस्करी अन्त्य गर्न कंगना रनौतलाई एजेन्ट अग्निको रूपमा पठाइन्छ तर, यस मिसनमा केहि छ जुन अग्निको व्यक्तिगत जीवनसँग सम्बन्धित छ। मिसनका क्रममा एजेन्ट अग्निलाई यसबारे जानकारी दिइँदैन । सोहम रकस्टार इन्टरटेनमेन्ट, सोहेल मकलाई प्रोडक्सन र एसाइलम फिल्म्सको ब्यानरमा निर्माण भएको चलचित्र ‘धकड’लाई रजनीश घाइले निर्देशन गरेका हुन् । फिल्म २० मे २०२२ मा सिनेमाघरमा रिलिज हुनेछ ।

ट्रेलर