गीतकार अगम बिकरालको ‘एकान्तमा’ गीतको म्युजिक भिडियो सार्वजनिक भएको छ । मेलिना राइको स्वर रहेको गीतमा नु हाङ राईको संगीत रहेको छ ।

गीतमा फणिन्द्र राईको एरेञ्ज रहेको छ भने गीतको भिडियो दार्जिलिङको मिरिकमा छायाँकन गरिएको छ । म्युजिक भिडियोमा प्रतिमा लिम्बू र मनिन्द्र लिम्बू (गोर्खा)को अभिनय देख्न सकिन्छ । त्यस्तै भिडियोको निर्देशन पनि संगीतकार नु हाङ राईले नै गरेका हुन् ।

आपसी मतभेदका कारण श्रीमानले घर छाडेपछि एक्लिएकी युवतीको विरह भिडियोमा देखाइएको छ । गीतकार बिकरालका यसअघि पनि केही म्युजिक भिडियो सार्वजनिक भइसकेको छ । खोटाङको साकेला गाउँपालिका–२ रतन्छा घर भई रोजगारीको सिलसिलामा हाल दक्षिण कोरियमा रहेका उनले करिब एक दर्जन गीत रेकर्ड गराएका छन् । उनको ‘नसम्झिने बाचासँगै’ गीत पनि लोकप्रिय छ ।

भिडियो –