काठमाडौं महानगरपालिका वडा नं. ३ र ५ मा प्रमुख प्रतिपक्षी दल नेकपा एमालेका उम्मेद्वारहरु विजयी भएका छन् । काठमाडौं महानगरपालिका -३ को अध्यक्षमा एमालेका प्रेम थापा एइजयि हुँदा वडा ५ मा अध्यक्षमा वीरेन्द्र प्रजापति विजयी भएका हुन् ।
थापा २१ सय ३८ मतसहित विजयी भए भने उनका निकटतम प्रतिद्वन्द्वी नेपाली काँग्रेसका राजेश अधिकारीले १४ सय ९१ मत प्राप्त गरे । त्यस्तै नेकपा (एकीकृत समाजवादी) का दीपक केसीले ९६६, राष्ट्रिय प्रजातन्त्र पार्टीका रामेश्वर पौडेलले ५२९ र स्वतन्त्र उम्मेदवार ध्रुव थापा क्षेत्रीले ३१ मत ल्याए ।
यस्तै महिला सदस्यमा एमालेका सीता थापा, दलित महिलामा एमालेकै शर्मिला परियार, सदस्यद्वयमा एमालेका केशव प्रसाद श्रेष्ठ र कृष्णराज चालिसे निर्वाचित भएका छन् । यसैगरी महानगरको वडा नं. ५ को अध्यक्षमा प्रजापति १८ सय १८ मतसहित निर्वाचित हुँदा उनका निकटतम प्रतिद्वन्द्वी काँग्रेसका रमेश डङ्गोलले १५ सय ७५ मत ल्याए ।
त्यस्तै राप्रपाका भिन्दयो प्रजापतिले २१२, नेपाल मजदुर किसान पार्टीका कुल नारायण डङ्गोलले २५ मत प्राप्त गरे । उक्त वडामा महिला सदस्यमा काँग्रेसका मीना सिंह, दलित महिलामा एमालेका आरती सुनार, सदस्यद्वयमा एमालेका हरिबहादुर महर्जन र काँग्रेसका विजय कर्माचार्य निर्वाचित भएका छन् ।
